B.
Basar – 1) öňdengörüji, görgür; 2) Allahyň subuty sypatlarynyň biri.
Batyl – 1) fasit, dogry däl; 2) şertleriniň we rükünleriniň biriniň kem edilmegi sebäpli kabul bolmadyk ybadat we muamele.
Bahyl – 1) gysganç, haýyrly işlere malyny sarp etmeýän; 2) görüp.
Bedel haj – başga biriniň ýerine haja gitmek.
Beka (beka:) – 1) soňsuz, çäksiz, müdimi, ebedi; 2) Allahyň selbi sypatlarynyň biri.
Belagat – 1) çeper söz sözlemek sungaty; 2) ýerlikli hem-de çeper söz sözlemegi öwredýän ylym.
Beragat (bera:gat) – 1) bagyşlanmak, ýalkanmak; 2) meret aýynyň 15-nji agşamy.
Bereket – bolluk, feýz, sagadat, Hakyň lutfy, yhsany, keremi.
Berzah – gabyr durmuşy, ölüm bilen başlanyp, täzeden dirilýänçä bolan aralyk.
Beşer – ynsan, adam.
Beýan – 1) düşündirýän, öwredýän; 2) belagat ylmynyň hakykat, mejaz, kinaýa, teşbih ýaly mowzuglaryny öwredýän bölümii; 3) Kurany Kerimiň bir ady.
Bid'at (bidgat) – hezreti Pygamberiň we sahabalaryň döwründe bolman, soň ýüze çykan we diniň esaslaryna ters gelýän her dürli söz, düşünje we amaldyr.
Birr – 1) tämizlik; 2) günäden saklanmak, takwalyk; 3) salyh amal, ýagşylyk.
Bulug – kämillik ýaşy. (Gyzlar 9-15, oglanlar 12-15 ýaş aralygynda bulug ýaşyna ýetip, mükellef bolýar).
Burhan – ser. aýat, mugjyza.