Рахман ве Рахым болан Аллахың ады билен
Хамд – өвги Вахыд, Эхад, Хакк ве Мубийн болан Аллахадыр. Ол шейле бир Аллахдыр Онуң шәриги ёкдур. Ондан башганы инкәр эдйәрин. Хезрети Мухаммедиң (с.а.в.) болса Онуң гулы ве ресулыдыгына, адамларың арасындан сайлап-сечен хабыбыдыгына ве махлукатың иң хайырлысыдыгына, овал ве ахыр геленлериң иң керемлисидигине шаятдырын. Аллахың рахмети ве саламы, хезрети Мухаммеде (с.а.в.), иберилен бейлеки пыгамберлере, Ер ве Гөк әхлинден, Аллаха мукарреб (якын) перишделере ве салых гуллара болсун. (Әмин).
Деңи-тайы болмадык Аллах яр ве ярдамчы хөкмүнде етерликдир. Оңа бил баглаярын. Ол Аршы азымың Раббидир. Оны тесбих ве такдис эдйәрин. Гүйч-кувват диңе ве диңе Оңа дегишлидир. Аллахың исләни болар, ислемедиги хем болмаз. Шуны берк бил! Аллах хемме зада кадырдыр. Ол хер бир зады ылмы билен гуршандыр. Гой, керемли Аллах динимизи, дүнйәмизи, Ватанымызы, миллетимизи, дөвлет ёлбашчымызы, эне-аталарымызы, чагаларымызы, уссатларымызы, гыз ве эркек доганларымызы өз пенасында аман сакласын. (Әмин). Чүнки Ол не гөзел горайҗыдыр.