Ыбадатың гөрнүшлери
Ыбадат үч гөрнүше бөлүнйәр.
1. Беден билен берҗай эдилйән ыбадатлар
Булар намаз, ораза ялы ыбадатлардыр. Дога-дилег ве тефеккүр (пикир этмек, ойланмак) хем бу гөрнүше дегишлидир. Аяты Керимеде: «Дога-дилегиңиз болмаса, нәме әхмиетиңиз бар?» (Фуркан, 77) дийилмеги доганың әхмиетине ышаратдыр. Тефеккүр барада болса, хадысы шерифде: «Бир сагат (Аллахың гудраты ве азаматы барада) тефеккүр этмек бир йыл нафиле ыбадат этмекден хайырлыдыр» дийилйәр.
2. Мал билен берҗай эдилйән ыбадатлар
Булар зекат, питре ве ш.м. ыбадатлардыр.
3. Хем беден, хем мал билен эдилйән ыбадатлар
Муңа хаҗ ыбадатыны мысал гетирмек болар.