Пыгамберимизиң мугҗызалары
Кураны Керим
Пыгамберимиз ибериленде, Арап ярымадасында чепер эдебият, дилеварлык җуда өсүпдир. Шонуң үчин Пыгамберимизиң иң улы мугҗызасы Кураны Керимдир. Пыгамберимиз бир хадысында: «Өз дөврүндәки ынсанлары өзүне ынандырмак үчин, мугҗыза берилмедик хич бир пыгамбер ёкдур. Маңа мугҗыза хөкмүнде берлен, диңе Аллахың вахй эденидир», (Бухары), диййәр. Кураның мугҗызалыгы кыямата ченли довам эдер.
Исра ве маграҗ
Пыгамберимизиң Месҗиди Харамдан Месҗиди Акса әкидилмеги, шол ерден Сидретил Мүнтеха гөтерилмеги, о тайдан ене Месҗиди Харама гетирилмеги билен багланышыклы хадысадыр. Бу мугҗыза Кураны Керимде ве хадысларда долы дүшүндирилйәр.
«Бир гиҗе кәбир делиллеримизи гөркезели дийип, гулы Мухаммеди Месҗиди Харамдан төвереги мүбәрек кылнан Месҗиди Акса әкиден Ол Затың шаны бейикдир. Ол әхли кемчиликлерден дашдыр. Хер бир зады эшидйән, гөрйән Олдур».(Исра 1)
Шаккы Камер (Айың икә бөлүнмеги)
Мекге мүшриклери Пыгамберимизиң бир мугҗыза гөркезмегини исләпдир. Ол хем Аллахың ругсады билен Айы икә бөлүп гөркезйәр. Икә бөлүнен Ай аз салымдан ене-де өңки халына гелйәр. Кураны Керим бу хадысаны шейле дүшүндирйәр:
«Кыямат якынлашды, Ай ярылды. Бир мугҗыза гөрселер, деррев йүз өвүрйәрлер, бу-да бир җады диййәрлер», (Камер, 1-3).
Пыгамберимизиң пыгамбер болмазындан өң, шейле хем пыгамбер болан дөври ёкардакы мугҗызалардан башга-да, нахарың гутармазлыгы, сувуң акмагы, дашларың, өсүмликлериң, хайванларың дил ачмагы, гелҗеге дегишли айданлары ялы энчеме мугҗызалары бардыр.