Берзах әлеми
Өлүм билен башланып, тәзеден дирилинйәнчә аралыга берзах әлеми, я-да габыр дурмушы дийилйәр. Бу ахырет әлеминиң илкинҗи мензилидир. Бир хадысы шерифде шейле дийилйәр:
«Габыр – ахырет мензиллериниң илкинҗисидир. Бир киши шол мензилде азапдан халас болса, ондан соңкы мензиллери хем аңсатлык билен гечер. эгер азапдан халас болуп билмесе, бейлеки мензиллери гечмек хас кындыр», (Тирмизи, Ибни Маҗе).
Ынсан нәхили ягдайда өлсе-өлсүн рух беденден чыкандан соң, берзах әлемине гидер. Онуң янына Мүнкер ве Некир атлы ики мелек гелип:
– Раббиң ким?
– Пыгамбериң ким?
– Диниң нәме?– дийип сорарлар.
Егер-де сораг эдилйән иман эдип, таква яшан киши болса, оңа җеннете дегишли пенҗирелер ачылар ве ол җеннети сынлап дуран халында яшар. Эгер-де ол гүнәкәр я-да инкәр эденлерден болса, оңа довзахдан пенҗирелер ачылып, довзахы сынлап яшар. Бири кыяматың тиз гопмагыны арзув эдер, бейлекисиниң ягдайы болса терсинедир.