А’раф
А’раф җеннет билен җәхеннемиң арасындакы белент дивар диймекдир. А’раф Әхли хакында ики гарайыш бар.
1. Мизанда гүнә ве согабы дең гелйән мү’минлердир. Булар җеннет билен җәхеннемиң арасында белли бир вагт галар. Соңра Аллахың лутфы билен җеннете гирерлер.
2. Пыгамберлер, шехитлер, алымлар ялы белент дереҗелилердир.
Куран А’рафда болҗакларың ягдайыны шейле дүшүндирйәр.
«Ики тарапың аралыгында бир перде, А’рафың үстүнде-де җеннети ве җәхеннемилериң хер бирини кешбинден танаян адамлар бардыр. Олар хениз җеннете гирмән, йөне гирмеги гүйчли арзув эдип, җеннетилере селамун алейкүм» дийип сесленерлер.
Олар җәхеннемилер тарапа середенлеринде «Ей, бизиң Раббимиз бизи шол залымлар билен болмакдан горавери» диерлер.
А’раф әхли даш кешбинден танаянларындан кәбирине йүзленип: «Гөршүңиз ялы, не йыгнан малыңызың, не тарапдарларыңызың, не текепбирлигиңизиң ве гопбамлыгыңызың сизе хич хили непи дегмеди». Олара җеннетилери гөркезип: «Хан-ха шолар: «Аллах булары асла лутфы керемине етирмез» дийип касам эдип гөвнүетмезчилик эден кишилериңиз дәлми? Оларың нәхили белент мертебедедигине инди гөз етирдиңизми?» диерлер ве соңра җеннетилере бакып: «Баш, үстүне, гириң җеннете. Сизиң үчин ховп, эндише эдере зат ёкдур. Сиз асла гайгы-гам хем гөрмерсиңиз» диерлер. (А’раф 46-49).