Г.
Габны фахыш – сөвдада өзара разычылыга зыян етирйән, дәпде адаты ягдай сайылмаян алдавчылык.
Гайып әлеми – гөрүнмейән әлем, дуйгуларымыз билен өлченип билинмейән рухлара, мелеклере ве җынлара махсус болан әлем. Гечмишдәки ве гелҗекдәки махлукатың магневи дурмушларының әлеми.
Гафлат – 1) үнссүзлик, ойланмазлык; 2) Алла Тагала тагат кылмак ялы ишлери билмән, бош затлар билен гүйменмек; 3) небсиң есири болуп, Аллахы ве Онуң эмрлерини унутмак.
Гафур – сер. Гаффар.
Гаффар – гүнәлери өртйән, багышлаян, магфирети, гечиримлилиги чәксиз.
Гафыл (трм. га:пыл) – 1) болуп гечен затлардан хабарсыз; 2) дыкгатсыз, эдйән ишиниң әхмиетини билмейән; 3) әтиячсыз, тайярлыксыз; 4) Аллахы унудан.
Гурбан – 1) якынлашмак, Аллаха якынлашмага весиле болан зат; 2) ыбадат максады билен белли вагтда, белли шертлерде, дегишли усулына лайыклыкда дамагы чалнан мал.
Гусул – бой тахарети, ысламың зерур хасаплаян ягдайларында усулына лайыклыкда долы ювунмак.
Гуфран – Аллахың багышламагы, ялкамагы, рахмети.