Б.
Басар – 1) өңденгөрүҗи, гөргүр; 2) Аллахың субуты сыпатларының бири.
Батыл – 1) фасит, догры дәл; 2) шертлериниң ве рүкүнлериниң бириниң кем эдилмеги себәпли кабул болмадык ыбадат ве муамеле.
Бахыл – 1) гысганч, хайырлы ишлере малыны сарп этмейән; 2) гөрүп.
Бедел хаҗ – башга бириниң ерине хаҗа гитмек.
Бека (бека:) – 1) соңсуз, чәксиз, мүдими, эбеди; 2) Аллахың селби сыпатларының бири.
Белагат – 1) чепер сөз сөзлемек сунгаты; 2) ерликли хем-де чепер сөз сөзлемеги өвредйән ылым.
Берагат (бера:гат) – 1) багышланмак, ялканмак; 2) мерет айының 15-нҗи агшамы.
Берекет – боллук, фейз, сагадат, Хакың лутфы, ыхсаны, кереми.
Берзах – габыр дурмушы, өлүм билен башланып, тәзеден дирилйәнчә болан аралык.
Бешер – ынсан, адам.
Беян – 1) дүшүндирйән, өвредйән; 2) белагат ылмының хакыкат, меҗаз, киная, тешбих ялы мовзугларыны өвредйән бөлүмии; 3) Кураны Керимиң бир ады.
Бид'ат (бидгат) – хезрети Пыгамбериң ве сахабаларың дөврүнде болман, соң йүзе чыкан ве диниң эсасларына терс гелйән хер дүрли сөз, дүшүнҗе ве амалдыр.
Бирр – 1) тәмизлик; 2) гүнәден сакланмак, таквалык; 3) салых амал, ягшылык.
Булуг – кәмиллик яшы. (Гызлар 9-15, огланлар 12-15 яш аралыгында булуг яшына етип, мүкеллеф боляр).
Бурхан – сер. аят, мугҗыза.